तेस्रो बिहे गर्ने सल्यानका एक वडा अध्यक्ष पक्राउ

इन्द्र बुढाथोकी

मंसिर १९, सल्यान ।
सल्यानमा अर्काकाे श्रीमती भगाएर तेस्राे बिहे गर्ने सल्यानका वडाध्यक्ष प’क्राउ परेका छन् । जिल्लाको बनगाड कुपिण्डे नगरपालिका वडा नं ९ का वडा अध्यक्ष ईन्द्र बहादुर कुमाईलाई शुक्रबार बेलुका जयतपानी बजारबाट प्रहरीले नियन्त्रणमा लिएको हाे ।

वडा अध्यक्ष सँगै तेस्रो बिहे गरेकी उनकी कान्छी श्रीमती भनिएकी ग्वाँमी बोहरा कुमाईलाई समेत प्रहरीले नियन्त्रणमा लिएको छ।

घरमा २ जना श्रीमती र दुबै श्रीमती तर्फ ४ जना छोराछोरी हुँदाहुँदै तेस्रो श्रीमती बिहे गरेको भनी स्थानिय ५ जनाले सल्यान प्रहरीमा बहुविवाह गरेको कसुरमा उजुरी दिएका थिए।

सोही उजुरीका आधारमा प्रहरीले जिल्ला अदालत सल्यानबाट प’क्राउ अनुमति लिई आरोपीत दुबैजना लाई प्रहरीले नियन्त्रणमा लिएको जिल्ला प्रहरी कार्यालय सल्यानका सुचना अधिकारी इनिस्पेक्टर लक्ष्मण ओलीले बताउनुभयो ।

प’क्राउ परेका दुवै जनालाई जिल्ला प्रहरी कार्यालय सल्यानको हिरासतमा राखी थप अनुसन्धान कार्य गरिरहेको उहाकाे भनाइ छ ।

  • 49
    Shares

प्रतिक्रिया दिनुहोस्

सम्बन्धित शीर्षकहरु

यो पनि हेर्नुहोस्

Close
Back to top button
Close