सल्यान
कोरोना संक्रमतिहरुको संख्या दिनानुदिन बढ्न थालेपछि जिल्ला अस्पतालमा संक्रमितहरुलाइ थेग्न हम्मेहम्मे परेको छ । १६ बेड क्षमता रहेको स्वास्थ्य सेवा कार्यालय सल्यानमा अहिले ३६ जना संक्रमितहरुको उपचार भइ रहेको अस्पतालले जनाएको छ ।
हामींसंग १६ वटा बेड क्षमताको आइशोलेशन छ तरपनि हामीले इमेरजेन्सी वार्डमा समेत आइशुलेशन बनाएर उपचार गरी रहेका छौं डाक्टर भिमकान्त जैशीले भन्नुभयो,अहिलेको अवस्थामा हामीलाइ बिरामीको चाप थेग्न गाह्रो भइ सक्यो ।
दैनिक रुपमा बिरामी आइ रहने र राख्ने ठाँउ छैन भन्दा कतै जान नमाने पछि अस्पतालमा समस्या सृजना हुन थालेको उहाँले बताउनु भयो ।
मंगलवार दिउसो सम्म २ वटा मात्रै स्टक सिलिन्डर रहेको र अधिकाँश संक्रमितहरुलाइ अक्सीजन लाउनु पर्ने भएकाले अब अक्सीजन अभावमा उपचार गर्न असम्भव भएको उहाँले बताउनुभयो ।
स्वास्थ्य सेवा कार्यालय सल्यानले एक सुचना मार्फत सर्वसाधारणलाइ अस्पतालमा बिरामी ल्याउन पुर्व फोन बाट जानकारी गराएर मात्रै आउन आग्रह गरेको छ । अस्पतालमा अब बिरामी राख्ने ठाउँनै नभएकाले फोन गरेर बेड भएको खण्डमा मात्रै अस्पतालमा राख्न सकिने अस्पतालले जनाएको छ ।
बिरामीको चाप बढ्दै जाने र अक्सीजन अभावले उपचारमा समस्या हुन थालेपछि केही दिन अघि कर्णाली प्रदेश सरकारले प्रतेक जिल्लामा एक एक करोड रकम विनियोजन गरेको थियो । सो रकमबाट अस्पतालले ४० लाख रुपैयाँमा १ सय ५९ सिलिन्डर खरीद गर्न भन्दै टेन्डर आह्वान गरेको जनाएको छ ।
जिल्लाभर रहेका आइशोलेशन बेडहरुमा समेत अक्सीजनको अभाव रहेको हुँदा सो कुरालाइ मध्यनजर गर्दै थप सिलिन्डर खरीद गर्न लागेको अस्पतालका व्यवस्थापक दशरथ श्रेष्ठले जानकारी दिनुभयो । बैशाख २७ गते सार्वजनिक गरिएको सुचनामा एकहप्ता भित्र सिलिन्डर खरिद गर्ने गरि टेन्डर आह्वान गरेको उहाँले बताउनुभयो । उहाँले यस प्रकृयाका लागी प्रदेश कार्यालय बाटनै पहल भइ रहेको बताउनुभयो ।

प्रकाशित मिति: २८ बैशाख २०७८, मंगलवार १४:५८