सल्यान– लकडाउनको समयमा अनावश्यक हिडडुल गर्नु हुँदैन भनेर सम्झाउदा उल्टै प्रहरीमाथी अभद्र ब्यवहार देखाउने एक जनालाई सल्यान प्रहरीले मुद्दा चलाएको छ । जिल्लाको बागचौर नगरपालिका वडा नम्बर २ बस्ने झक्कु बस्नेतलाई नियन्त्रणमा लिएर मुद्दा चलाइएको जिल्ला प्रहरी कार्यालय सल्यानले जनाएको छ ।
बुधबार झक्कुले बागचौर बजारमा बेलुकी साढे ५ बजेतीर अनावश्यक रुपमा हिडडुल गरिरहेको थिए । प्रहरीले लकडाउको समयमा अनावश्यक घर वाहीर निस्कन हुँदैन भनेर समझाउदा उल्टै प्रहरीलाई नै अभद्र ब्यवहार गरेकाले सार्वजनिक हित, स्वास्थ्य, सुरक्षा, सुबिधा र नैतिकता बिरुद्ध कसुर (अभद्र ब्यवहार) मुद्दा चलाइएको जिल्ला प्रहरी कार्यालयले विहिबार एक प्रेस विज्ञप्ती मार्फत जानकारि गराएको छ ।
निजलाई जिल्ला अदालत सल्यानबाट पहिलो पटक ५ दिनको म्याद थप अनुमति लिई ईप्रका थारमारेको प्रहरी हिरासतमा राखेर अनुसन्धान भइरहेको प्रहरीले जनाएको छ ।
प्रकाशित मिति: २० चैत्र २०७६, बिहीबार १८:१०
