टेकबहादुर पुन/दाङ्ग
देउखुरी स्थित पुर्ब पश्चिम राजमार्ग सिल हुने भएको छ । दाङ्गको पुर्बमा धानखोला र पश्चिम सिमाना शिव खोलामा सिल हुने भएको हो । एम्बुलेन्स, अत्याबस्यक समान र गौरब योजनाका सामान बाहेक अन्य सबै सवारी साधान अावत जावतमा रोक हुने भएको हो । मँगलबार लमहीमा क्रियासिल संघसंस्था र लमही नगरपालिकाको विशेष छलफलले यस्तो निर्णय गरेको छ । देशमा कोरोना भाईरसले महामारी रुप लिन थालेपछी दाङ्गपनि उच्च जोखिममा रहेको भन्दै जनप्रतिनिधि, समाजसेवी तथा संघसंस्थाका पदाधिकारीको ध्यानाकर्षण भएको हो ।
देशभर दिनप्रतिदिन कोरोना संक्रमण बढे सङ्गै लमही क्षेत्रमा रहेका विभिन्न संघ संस्था तथा जनप्रतिनिधि हरुले दाङ जिल्लालाई कोरोना संक्रमण बाट बचाउनका लागि चासो दिएका छ्न ।
मंगलबार देउखुरी उद्योग बाणिज्य संघको परिसरमा सामाजिक दुरि कायम गर्दै बसेको बैठकले नाका क्षत्रमा नियमित अनुगमन गर्ने र तैनाथ सुरक्षाकर्मी हरुलाई विशेष निगरानी बढाउन निर्देशन दिने निर्णय गरेको हो । सबै एकजुट भएर लाग्न सके दाङ्गलाई कोरोना संक्रमण बाट बचाउन सकिने भन्दै लमही नगरपालिकाका प्रमुख कुल बहादुर केसीले सबैको सहयोग अाबश्यक रहेको बताए । उनले भयाबह स्थिति अाउन सक्ने भन्दै करिब ५ हजार मानिस अट्ने क्वारेनटाईनको स्थापना गरिने जानकारी दिए । बिपन्न तथा मजदुरको परिवारलाई राहात बितरण गर्नुभन्दा रोजगार दिलाउने भन्दै नगरपालिकाले त्यस्ता परिवारलाई काम दिलाएको मेयर केसीको भनाई छ । देउखुरी उद्योग बाणिज्य सँघका अध्यक्ष रत्न प्रसाद श्रेष्ठले नाका सिल बारे सिडिअो कै समन्वयमा निर्णय भएको बताए । उनले पैदल यात्रुलाई नाकामै बस्ने वातावरण मिलाईने जानकारी दिए । कोरोना संक्रमण मुक्त जिल्ला भनेर दाङ्गलाई चिनाउनका लागि बचौँ र बचाउँ भन्दै सबै सचेत हुन अाग्रह गरे ।
छलफलमा लमही नगरपालिकाका प्रमुख कुलबहादुर केसी, उपप्रमुख देवका बेलबासे, देउखुरी उद्योग बाणिज्य संघका अध्यक्ष रत्न प्रसाद श्रेष्ठ, बाणिज्य उपाध्यक्ष बिनोद पान्डे, लमही जेसिजकि अध्यक्ष सपना पाण्डे पन्डित, पतञ्जली योग समितीकि जिल्ला उपाध्यक्ष साहाना श्रेष्ठ, पतञ्जलीकै देउखुरी अध्यक्ष भेषराज भट्टराई, पत्रकार लगाएतको उपस्थिति रहेको थियो ।
प्रकाशित मिति: ३१ बैशाख २०७७, बुधबार ०४:३८
