बाँके – बाँकेको राप्ती सोनारीमा गाडी दुर्घटना हुँदा घाइते मध्ये १० जनाकाे परिचय खुलेकाे छ । वाँके प्रहरीका अनुसार घाइते मध्ये शिद्द कुमाखका धेरै छन् ।

शिद्द कुमाख ४ का लाेकेश घर्ति, जित बहादुर बुढा र निम बहादुर बादी, शिद्द कुमाख ५ का तेज बहादुर बुढाथाेकी, धन बहादुर बाेहरा यस्तै शिद्दकुमाखकै ज्ञान बहादुर बाेहरा र दिपेन्द्र बुढाथाेकी घाइते भएका छन् । यस्तै शारदा ६ की टिका चलाउने, वकुनपा ६ का मिनराज विक र सल्यान शिव डाँगीकाे परिचय खुलेकाे छ । मृतककाे सनाखत हुन भने केहि समय लाग्ने छ ।

घटनामा १२ जनाको ज्यान गएको छ भने २१ जना घाइते भएका छन् ।घाइते मध्ये ४ काे अवस्था गम्भिर छ । कभरखवर सँगकाे कुराकानीमा बाँकेका प्रमुख जिल्ला अधिकारी राम बहादुर कुरुम्वाङले  अवकाे केहि वेरमा मृतककाे सनाखत हुने जानकारी दिनुभयाे । रातिकाे समय भएकाेले उद्दारमा प्राथमिकता दिएकाे उहाँले बताउनुभयाे ।

प्रकाशित मिति: १९ जेष्ठ २०७७, सोमबार ०८:१६