सल्यानका चर्चित पाँच पर्यटकिय स्थलमा यसरी हुँदैछ विकास

वन कार्यालयद्धारा डेढ कराेड खर्चेर पुर्वाधार विकास र स्तराेन्नती

Triveni

सल्यान – सल्यानका महत्वपुर्ण पाँच पर्यटकिय क्षेत्रमा पुर्वाधारको विकास भएको छ । डिविजन वन कार्यालय सल्यानले जिल्लाका पाँच महत्वपुर्ण धार्मिक तथा पर्यटिकय क्षेत्रमा पुर्वाधार निर्माण तथा स्तरोन्नती गरेको हो । वन कार्यालयले कुपिण्डेतालमा पुर्वाधार विकास, छत्रेश्वरी, लक्ष्मीपुर र खैरावांगमा पुर्वाधार निर्माण र स्तारोन्नती तथा लेखपोखराको साततले चाँदनी गुफा सिँढी निर्माण गरेको हो । कार्यालयले यि सवै योजनामा डेढ करोड रकम खर्च गरेको डिविजन वन कार्यालय सल्यानका प्रमुख रमेश गिरीले बताउनुभयो ।

लेखपाेखराकाे चाँदनी साततले गुफामा निर्माण गरिएकाे गेट

कार्यक्रम अनुसार कुपिण्डे तालमा ग्याविन वक्स स्थापना र वृक्षारोपन गरिएको छ । जसको लागी ४० लाख रकम खर्च गरिएको छ । वरिपरीका खोलाबाट वग्ने माटोले ताल पुरिनबाट रोक्नको लागी र माटो तालमा आउनबाट रोक्नको लागी ग्याविन वक्स स्थापना र वृक्षारोपन गरिएको कार्यालयले जनाएको छ ।

लक्ष्मीपुरमा निर्माण गरिएकाे गेट

यस्तै यस क्षेत्रकै धार्मिक पर्यटकिय स्थल खैरावांगमा गेट निर्माण र पक्की फाउण्डेन सहितको मन्दिर परिसर वरिपरी तार जालीकाे  घेरबार निर्माण गरिएको छ । जसबाट मन्दिरमा पुजाआजा व्यवस्थीत हुनेछ । त्यसको लागी ४० लाख रकम खर्च गरिएको छ ।

लक्ष्मीपुरमा निर्माण गरिएकाे मेसिनरी वाल

त्यस्तै छत्रेश्वरी मन्दिरमा धर्मशाला निर्माण तथा अन्य संंरचनाहरुको स्तरोन्नती गरिएको छ । त्यसको लागी ३० लाख खर्च भएको छ । धर्मशाला निर्माणले मन्दिरमा पुग्ने भक्तजनलाई बस्न तथा पुजाआजा गर्न सहज हुने डिविजन वन कार्यालय सल्यानका सुचना अधिकारी मनोज शर्माले बताउनुभयो ।

लक्ष्मीपुरका निर्माण गरिएकाे प्रतिक्षालय

यस्तै सतिदेवीको करंग पतन भएको विश्वास गरिने लक्ष्मीपुरमा गेट, मेसिनरी वाल, पक्की नाली र प्रतिक्षालय निर्माण गरिएको छ । सो कामको लागी २० लाख रकम खर्च गरिएको छ । यस्तै लेखरोखरामा रहेको साततले चाँदनी गुफामा सिँढी निर्माण गरिएको छ । यस्तै गुफामा प्रतिक्षालय र पक्की गेट समेत निर्माण भएको सुचना अधिकृत शर्माले बताउनुभयो । जसमा २० लाख रकम लगानी गरिएको छ ।

छत्रेश्वरीमा निर्माण गरिएकाे धर्मशाला

जिल्लाका महत्वपुर्ण सम्पदाहरुको संरक्षण, पर्यटन प्रवद्र्धन गर्न र वन संरक्षणको लागी यस्तो काम गरिएको कार्यालय प्रमुख गिरीले बताउनुभयो । महत्वपुर्ण स्थलहरुमा पुर्वाधारको विकास सँगै त्यहाँ पुग्ने पर्यटकहरुलाई सहज हुने विश्वास कार्यालयले लिएको छ । यो कामलाई आगामी वर्षमा समेत निरन्तरता दिइने कार्यालयले जनाएको छ । डिविजन वन कार्यालयले आर्थिक वर्ष ०७६।०७७ को कार्यक्रम अनुसार उक्त काम गरेको हो ।

खैरावाङमा निर्माण गरिएकाे पक्की फाउण्डेन सहितको मन्दिर परिसर वरिपरीकाे तारजालीकाे  घेरबार
कुपिण्डे ताल छेउमा बनाइएकाे ग्याविन वक्स अवलाेकन गर्दै जिल्ला समन्वय प्रमुख केश बहादुर विष्ट ।
छत्रेश्वरीमा बनाइएकाे धर्मशाला

 

खैरावङमा निर्माणाधिन गेट अवलाेकन गर्दै डिविजन वन  कार्यालय सल्यानकाे टाेलि
Kapurkot
Triveni other

प्रतिक्रिया दिनुहोस्

सम्बन्धित शीर्षकहरु

Back to top button
Close

Adblock Detected

Please consider supporting us by disabling your ad blocker